Shillong: Hynnin ka sngi kawei ka kali Maruti Car, ka la hap ha riat Rngain bad ha katei ka jingjia, ki la don arngut ki briew, kiba iap bad kitei ki long U Bah Seiborlang Khonglam (30) bad nangta sa U bah Libarius Tynsong (14) bad kitei ki dei baroh arngut kiba na ka Shnong Mawkajem.
La iathuh da kiba ha iing, ba ka jinghap jong katei ka kali, ka dei ha ka riat kaba jylliew haduh kumba shi hajar phut eiei na katei ka surok bah, kaba riat shi katdei, kaba pyniasoh ia ka Pynursla bad ka Shillong. Ym shym tip satia ia ka daw jong katei ka jinghap jong katei ka kali bad ka jinghap ka dei ha ka por mynsngi, hapdeng ka por 12 baje haduh 3 baje nohsngi.
La sei ia kitei kiba iap mynta ka sngi bad katei ka kali, ka la julor la jhor bad la pynbeit ba yn tep ia kitei kiba khlad lashai ka sngi.
Yn pynkhlain ka Meghalaya ia ka NDA Da kaba pynjop donburom ki MLA ia u Dr W.R.Kharlukhi.