Ha ka sien nyngkong eh iakynduh lang ka Kur Shangpliang ha Mawsynram

Shillong: Ka Kur Shangpliang ha Mawsynram ka la iakynduh lang ha ka sngi Saitjaiñ ha Mawsynram bad la thaw ruh ia ka Unit na ka bynta ban pyntyllun ia ki kam ki jam jong ka Kur.

Ha kane ka sngi la iadon ki riew rangbah, ki longkmie kumjuh ki samla shynrang bad kynthei ha kaba la pyniaid ia ka jingialang da u Bah Lastborn Shangpliang. Ha kane ka sngi la wanrah ia ka jingmait phang jong kane ka jingialang da u Bah Lastborn Shangpliang kum u Chairman, kumjuh ka jingai jingmut na u Bah H.M Shangpliang bad kiwei ki riew rangbah lem bad ki longkmie.

Ha kane ka sngi la thaw ruh ia ka Seng Kur ba la tip kum ka Dorbar Kur Shangpliang Mawsynram Unit ha kaba la thung Chairman ia u Bah Lastborn Shangpliang, Vice Chairman ia u Bah Aspingland Shangpliang, Secretary Bah Watchman Shangpliang, Asst. Secretary Bah Wanhiam Shangpliang, Treasurer Kong Mebirda Shangpliang, Adviser Bah H.M Shangpliang bad Publicity Secretary Bah Trustman Shangpliang. La thung ruh ia ki dkhot ka Executive Committee ba kynthup ia Kong Dilona, Kong Ailona, Kong Molinda, Kong Aitis, Kong Joycy, Kong Pherida, Kong Bihlinda, Bah Teibok, Tbn. Iengskhem, Bah Hehboklang, Bah Peiphang, Bah Kerbansing, Bah Rudyhess, Bah Trueman, Kong Aibarilin, Dr. Rusievan bad Pro.Pastor Dalampher Shangpliang.