Nongpoh: Ha kaba sdang ka 1st Maitshaphrang Football Tournament, ka Lympung ialehkai phutbol kaba la pynlong da ka KSU Umden Unit ha madan Umden, ka Umden Sports Club, ka la ioh ban khur ia ka namjop kaba nyngkong, kata hadien ba ka la lah ban pynliem noh pyrshah ia ka Umkon Sports Club da 2-1.
La sakhi ha kaba sdang jong katei ka Lympung, da ka jingdon u Samla Lambok Rymbai, General Secretary ka KSU ha Ri Bhoi, nangta u u Samla Toning Lapang, President ka Umden Unit lem bad kiwei de ki riew rangbah jong katei ka thain.Haba phai sha katei ka jingiakhun, ha ka kylla step jong ka la long ba ka Umden SC, ka la lah ban lamkhmat ia ka jingiakhun da 1 kol bad kaba la pynkut noh ia ka kylla step da 1-0.
Ha ka kylla miet jong ka jingiakhun, ki rangialehkai jong kitei ki ar kynhun bad khamtam eh ia ki rang ialehkai ka UmkonSC, ki la kwah ban pynphai ia katei ka shi kol kaba ki la shah thep, kumta ha kaba kum katei ka por uwei na ki rangialehkai ka Umkon SC, u la ioh ia ka kabu ban pynphai ia katei ka shi kol bad kaba la pyniakhaid da 1-1. Hynrei shwa ba ka jingiakhun kan poi noh sha kaba kut, u rang ialehkai ka Umden SC, u la ioh ia ka kabu kaba biang ban thep sa shi kol bad kaba la pynlong artad ia ka Umden SC ba kan pynliem noh da 2-1 pyrshah ia ka Umkon SC.
Phi don ban ong eiei?