Mynsaw ka samla ba kynthih na Taxi

Shillong,25 Nailar:
Kawei ka samla kaba la tip kyrteng kum ka Plentiful Surong, ka la ujor sha ki pulit ka Rynjah PS ba ha ka 20 tarik myn ta u bnai ha ka por 7:45 baje eiei mynmiet, ka la shim wai ia kawei ka Taxi kamai kaba don ia u nombar ML-05F 0404 ba la niah da u Bansynshar Thabah,28 snem na Fire Brigade ban leit sha Umpling,Shillong.
Ka la ujor ba haba ka la poi ha Umpling,Lawmaw ia katei ka Taxi ba ka shong, hynrei utei u nongniah um shym gla sangeh bad u la iaid beit beit sha ki lynti sha Itshyrwat, katei ka samla ka la pynpaw ha ki jingujor ba ha katei ka por haba u nongniah um sangeh ia ka kali ka la kynthih napoh Taxi haba ka la poi ha Itshyrwat, bad zka la mynsaw jur. Ki pulit ki la kem ia utei u nongniah, iathuh ki khubor pulit.