Pang klong snam u Lalu

Mumbai,25 Nailar:
U Myntri Rangbah barim ka jylla Bihar, u Lalu Prasad u dang leit ban shah sumar ha Asian Heart Institute kaba don ha Bandra Kurla Complex, iathuh ka tytllong khubor ba la ioh lum hna ki bor pyniaid katei ka Hospital mynta ka nohsngi jong ka lah sngi u Blei.
U Lalu u dei ruh u ba la bat ia ka kam myntri jong ka sorkar pdeng ha ka sorkar kaba rim, la ong ba hadien ba u la dep pynkhreh na bynta ki lad sumar ialade , u la mih noh ban leit sha katei ka nongbah ha ka sngi u Blei. “Kane ka jingleit u Lalu ka dei ka jingpynkhreh lypa” ong ki tyllong khubor napoh katei ka hospital, kaba la iathuh ba ka jingleit jong u Lalu sha Mumbai ka dei ban sumar na bynta ki jingpang kiba ia dei bad u klong snam. U Lalu u shah sumar hapoh ka jingpeit jong u Doktor rangbah ba dei tang na bynta u klong snam u Dr Ramakanta Panda, uba dei u Doktor uba la sumar ia u Dr. Manmohan Singh, myntri rangbah duh barim ka Ri.