Shillong: Kat kum ka jing ujor ejahar ba la ioh na u SI E.Pohchen jong ka Phramer Traffic Cell, la ong ba ha ka 12tarik Lber 2020, katba ki dang pynlong ia ka jingiaid pahara ha ki bynta jong ka National highway bad ki jaka jong ka Phramer kumba 11:00 baje mynmiet, ki la ioh ban kem ia ki 3 tylli ki trok kit dewiong beain.
Ki pulit ka Traffic cell ki la ioh ban kem ia 2 ngut ki briew kiba long ki nongniah jong kine ki trok, kat ba uwei pat u la ioh ban phet noh na kane ka jaka. Kine ki trok ki don ia u number AS 01 DD 4251 ba la niah da u Mohesh Ray u ba dei na Goalpara, Assam, NL 01 Q 1949 ba la niah da u Mataf Uddin Guwahati, Assam bad ML 05 U 4389.
Kine ki 3 tylli ki trok ki dei ki ba kit dewiong beain bad la kem ia ki namar ba ki la pynkhein ia ki kyndon jong ka NGT ban khang ia ka jing shalan ia u dewiong.
Baroh ki ne ki trok mynta ki dang don ha Phramer Traffic Cell, na ka bynta ban leh ia ka jingtohkit ka ba bniah bad ia ka jing ujor ejahar la phah sha Jowai Police Station ban registar ia ka case.
Phi don ban ong eiei?