Sa 75ngut kiba iap ha Iran, na ka jingpang Corona

Ka jingiap briew ha Iran, na ka jingpang Corona, ka la poi sha ka 429ngut, da ka jingiap jong ki 75ngut ha ka sngi palei ba ladep bad mynta ki don 10 hajar ngut kiba ioh ia katei ka jingpang ha katei ka Ri.

Ha Spain, ka jingpang, ka la kiew sha ka 3hajar ngut bad kiba iap ki la poi sha ka 84ngut bad la iathuh ba ka myntri jong ka Spain, ka Irene Montero, ka la ioh ialade ruh ia katei ka jingpang Corona.

Kiba ioh pang thymmai ha South Korea, ki don 120ngut bad mynta ki don baroh 7,869ngut kiba ioh ia ka jingpang Corona bad sa 66ngut kiba iap ha South Korea, ong ka khubor.

Ha China, kiba iap ki don sa 11ngut bad baroh kiba iap ha katei ka Ri, ki la poi mynta sha ka 3,169ngut.