Hadien phew snem, yn tei iing dorbar ha Mawdiangdiang

Shillong, 24 Nailar:
Hadien ba la shu sahteng la bun snem ban tei ia ka iing dorbar thawain ka jylla, ka High Power Committee (HPC) ka la rai ban tei ia kane ka iing ha Mawdiangdiang bad la dep pruid dak ruh ia ka jak ban shna.
Kaba sah mynta ka long sa ban shu aiti noh ka tnad pynroi sor ia ka jaka sha ka Assembly Secretariat.
La sngewthuh ba ka jingaiti bad ka jingshimti ia ka jaka kan long shen hapdeng ka tnad pynroi sor bad ka tnad Assembly Secretariat.
Ka jingwad jaka ban tei ia ka iing dorbar thawain ka jylla ka la shu bijai man ka por na Upper Shillong sha Khyndai lad, sha Barik, ha Taraghar ha Nan Polok haduh ba la khlem poi shaei shaei ruh.
Ia ka dorbar la pynlong ha iing wai ha Rilbong haduh mynta.