Thep kyrteng u Dr. WR Kharlukhi na bynta ka ilekshon Rajya Sabbha

Shillong: Mynta ka sngi u kyrtong monlang ka United Democratic Alliance (MDA) u Dr. W.R Kharlukhi u la thep kyrteng na ka bynta ban ia khun ilekshon MP sha Rajya Sabha ha khmat u Returning Officer (RO) u F.G Momin hapoh ka Meghalaya Legislative Assembly.

Ia u Dr. W.R Kharlukhi la synranlang da u symbud myntri rangbah ka jylla u Prestone Tynsong bad u myntri Lambor Malngiang lem bad kiwei ki MLA ka kynhun MDA.

Na ka liang u symbud myntri ka jylla u Prestone Tynsong u la kyntu ia ka liang pyrshah (Congress) ba kam dei ban thep kyrteng na ka bynta ka ilekshong MP, hynrei ki MLA ka Congress ki dei ban kyrshan ia u Dr. W.R Kharlukhi namar u dei u briew ba ibit u biang ban long u MP na ka jylla Meghalaya.

U Bah Prestone Tynsong u la ong ruh ba ka kynhun MDA ka don jing kyrmen bha ba u Dr. W.R Kharlukhi un poi sha ka jing jop namar ka MDA ka don 41 ngut ki MLA.