Rah ka Seven Brother ia ka 6th Invitation FT kaba la pynlong da ka BSC&SC ha Bhoirymbong

Nongpoh: Ka Seven Brother Football Club, ka la ioh ban khur ia ka nam lahduh ha ka 6th Invitation Football Tournament, ka lympung ialehkai phutbol kaba la pynlong da ka Bhoirymbong Social Cultural & Sport Club, kata hadien ba ka la lah ban pynliem noh pyrshah ia ka 7wasa Football Club da 2-0, ha ka jingiakhun phainal kaba la long hynnin ka sngi ha madan ialehkai Kurkalang, Bhoirymbong.

Khyndiat haba phai sha katei ka haba phai sha katei ka jingiakhun, ha ka kylla step jong ka jingiakhun, wat hapdeng ka jingiakhun kaba iakhaid bad kaba itynnad bha, hynrei haduh ba kut jong ka kylla step ka la kut noh ha ka jingiakhaid kaba ym don kiba lah ban pynkhih jar.

Haba bteng ka kylla miet jong ka jingiakhun, da shisha ka la nang pynshongshit ia ki hajar ngut ki paidbah kiba la leit ban sakhi ia katei ka jingiakhun bad khamtam eh haba iadei bad kitei ki kynhun kiba la poi sha ka thup jong ka phainal bad kiba la kwah ym tang ban rah ia ka nam lahduh ha katei ka lympung, hynrei na ka bynta ban khur ia ka song Pisa kaba T. 2 lak.

Hynrei katba ka jingiakhun katba ka jingiakhun ka la nangiaid shakhmat, ki rangialehkai ka Seven Brother, ki la lah ban ialehkai kham bad ioh ruh ia ka kabu na ka bynta ban pynkhihjar lyngba u Daniel Pyngrope ha ka minit kaba 55, kaba la wan ha ka dur jong kaa Penalty, katba ia kawei ka shikol la ioh ban thep da u Shanbok Nongsiej ha ka minit kaba 67 bad kaba la pynthikna syndon ia ka Seven Brother FC ba kan ioh rah ia ka namlahduh ha katei ka lympung ialehkai football ka BSCSC.Ka Seven Brother, kaba la ioh ban rah ia ia ka namlahduh ha katei ka lympung, ka la ioh ban khur ia ka song pisa kaba T. 2 lak lem bad ka Trophy, katba ka 7Wasa FC, kaba la shah rem noh ka la ioh ban khur ia ka song pisa kaba T. 1 Lah, nalor ka khusnam sha ki kynhun lahduh la sam ruh ia ki khusnam shimet, ha kaba ia ka nam Man of the match la ioh da u Teibor Siangshai na Seven Brother bad ia ka nam Best Goalie la ioh da u Emetre Dan na 7Wasa FC.
Ha kaba pynkut ia katei ka lympung, la sakhi da ka jingdon u Bah Bantei Sawkmie, uba la long kum u Kongsan, ha ryngkat ka jingdonlang kiwei ki riew rangbah kiba kynthup ia u Bah H Lyngdoh, u Bah Scalling Basawiamoit, President ka BSCSC, u Bah Babit Nongrum Secretary, u Bah Isynei Hinge kum u Manager ka BSCSC lem bad kiwei kiwei ki riew pawkhmat ka thain Umroi hi baroh kawei.