“Nga dei U Secretery ka Seng Khasi, ngam ju thok ngam ju lamler” “Nga ruh, nga dei U Kristan, ngam ju thok, ngam ju lamler” U bah Ardent bad U Bah Dilondar ha Mawlongbna

Thyllaw/
Mawlongbna,22Nailar:
“Nga dei u Secretary jong ka Seng Khasi, ngam ju thok, ngam ju lamler, nga kren ia ka hok bad ka jingshisha” ki dei ki kyntien kiba la mih na u bah Dilondar Marwein, u rangbah uba ka Mawlong bna ka la ibit ban pynieng kum u rang kynih u rang phawar jong ka, u ban pa diah la u thylliej ha khmat u CEM ka KHADC, u bah Ardent M Basaiawmoit bad kumjuh ruh ha khmat ki bor ka ain kiba la wan ryngkat mynta ka sngi thohdieng ha Thyllaw bad Mawlongbna, namar ki jingjia kiba la jia ha ka 12 tarik u nailar. Kitei ki dei ki ktien kiba u tei u rangbah ka Seng Khasi, uba mih khmat ia ka shnong Mawlongbna, u la pynsngew shuwa ba un shong noh hadien ba u ladep iathuh ia kiei kiba u CEM ka KHADC u kwah ban ioh sngew ia ka dawbah ba la mih ki jingjia ha ka 12 tarik u nailar.
Tang mar ia kut ki jingkren u bah Dilondar Marwein, khlem da ap ia u Chairman ba pyniaid jingialang, uba dei u Syiem ka Mawsynram ba un ieng, u bah Ardent ruh joit u la ieng na jaka shong jong u bad u la ong “Sngewtynnad ban ioh sngew ba phi dei u Secretary ka Seng Khasi, bad ba phi ong ba phim thok, phim lamler,ngi ngeit ba phi kren ia ki jingshisha. Nga ruh nga dei u Kristan bad ngam ju thok, ngam ju lamler, nga kren ia ki jingshisha” ong u bah Ardent.
Kham mynshwa, ha ka por ba dang shu sdang ka jingialang ha Mawlongbna, U Bah Ardent, ula pynpaw, ba u kwah ba tang uwei u rangbah, un kren, na bynta ka shnong, ban iathuh halor ki jingjia baroh kumba ki dei hok bad ha kajuh ka por, ula ong ruh “Wat pyrshang ban thaw ktien, wat pyrshang ban thok ne wat pynksan da ki ktien ki bym shongnia, khnang ba ngin lah ban tip kumno ban wad ia ka jubab kaba lah ban weng noh ia ki jingeh jong phi” bad ka dei ruh halor kitei ki phang, ba U bah Dilondar, uba ieng ban kren na bynta ka Mawlongbna, ba u sa pynmih ia ka juban jongu, ba u kren halor ka hok bad ka jingshisha.