Ka jingtieng ia ka jingpang Corona, ka la ktah shi katdei ia ki nongri syiar ruh bad katei ka jingduna ki nongthied, ka la pynlong ia U Najeer Ahmed Makandar ha Belgavi jong ka Jylla Karnataka, ba un tep im ia 6hajar tylli ki syiar jongu.
U Makandar, uba shong ba sah ha Gokak taluka ha Nulsoor, u iathuh ba ula duh nong jur ha kine ki sngi, namar ba ym don ba thied shuh ia ki syiar jongu bad u iathuh ba mynshwa, u ju die hapdeng T.50-70 shi kilo, hynrei na ka jingpang corona, ka dor ka la hiar sha ka T.5-10 shi kilo bad u iathuh ba lada u iai ri ia kitei ki syiar, kumta un hap ban duhnong haduh T.6lak bad kumta, ula sngew dei ban shu tep im noh ia ki baroh 6hajar tylli.
Phi don ban ong eiei?