Ioh pang corona, ka myntri jong ka sorkar England

Ka MP jong ka British, ka Nadine Dorries, kaba dei ruh ka myntri ka tnat ka koit ka khiah jong ka sorkar ha katei ka Ri, ka la ioh pang coronavirus. Ym shym la tip, naei ka ioh ia katei ka jingpang ia bit ba kynsha bad ki bor sorkar jong ka England, ki dang wad ia ki jingshisha halor katei ka jingjia. La iathuh ba ka Dorries, ka la ia kynduh dang shen bad bun phew ngut ki briew, ba kynthup ruh ia U Boris Johnson, myntri rangbahduh ka England.

Ki khubor ki iathuh ba ha China, ki la don sa 22ngut kiwei pat kiba dang shu iap na ka jingpang corona bad kaba la poi baroh sha ka 3,158 ngut, haduh mynta ka sngi.