Shillong: Ka kynhun jong ki doktor ba la ialam da u Dr. Bhaskar Borgohain, HOD Orthopaedics ki la puid ia i khynnah ba 6 snem na Bangladesh ha ka 17 tarik u Rymphang, 2020. Ine i khynnah i la ioh ia ka jingpang shyieng kaba niar bha kaba khot ka Trevor’s Disease (Dysplasia Epiphysealis Hemimelica).
Haba ai ia ka jingbatai lyngkot ia u Director, u Prof. (Dr.) Bhaskar Borgohain u la ong ba ine ki khynnah i la don ia u kynja pangat (tumour), kiba don jan bha bad ki thied ki jaw kiba ki ong popliteal vessel and nerves, uba la khang ia ka jinglah pynkhih ia ka khohsiew.
Ka jingot noh ia une u kynja pangat (tumour) ka la long kaba seisoh lyngba u cleavage line ba la iathuh bniah da ka MRI shwa ban puid. Ine i khynnah iba la wan sha NEIGRIHMS lyngba ka Medical Visa i la ioh biang ia ka jingkoit jingkhiah khlem kano kano ka jingthut.
U Director NEIGRIHMS, Prof. (Dr.) D. M. Thappa u la ai ia ka jingiaroh ia ka kam jong kane ka Tnad hapoh ka jingialam bastad jong u Prof. (Dr.) Borgohain.
Phi don ban ong eiei?