Shillong: U rangialehkai phutbol na kane ka jylla, u Ricky John Shabong u don mynta ban kilan met bad ka kynhun ialehkai ka ri ka Indian Arrows hapoh ka jingialam u coach jong ka kynhun ialehkai ka Ri u Igor Stimac ha Mumbai.
Kumjuh u coach ka Indian Arrows u Venkatesh Shanmugam u long u coach bynrap ha ka kynhun ialehkai ka ri, “Ka jingshah khot jong u ban kilan met bad ka kynhun ka la pynkmen ia u,” ia iathuh ka khubor.
“Ki khynnah ki sdang ban kilan met ha ka jaka training, bad u Igor ryngkat u Tomislav (Rogic) bad Luka (Radman) ban ialam. Ki khynnah ha kane jaka kilan met kin iasam ia ki buit ki sap ialehkai jong ki,” la iathuh u Venkatesh. “ka long ka sien jam ba biang ia ka kynhun ialehkai kaba ym pat ju don kham don mynshwa.
U Stimac ula sakhi ia ka jingialehkai ha Mumbai bad pynpaw ia ka jingkwah ban donlang ha ka jaka kilan met. Ia lade ula pynkhreh ia ka training ba biang ban sei ia ki buit ki sap ialehkai ha baroh ki liang.”
U Stimac ula ioh ban peit lai tylli ki jingiakhun ka Indian Arrows ha ka I-League ha la iing ha Cooperage Stadium pyrshah ia ka East Bengal (1-3), Chennai City FC (0-2) bad Punjab FC (1-1). Ka India Arrows kan iakhun pyrshah ia ka TRAU FC ha ka 8 tarik Lber.
U rangialehkai pdeng na kane ka jylla u Shabong ula ong, “ka long ka sngi ba kyrpang bad bakmen ia u”.“Nga sngew ban ai burom ia u Stimac ba la khot ban kilan met lang shwa ka jingialehkai shabar na la iing, kan long ka lad ban thied buit bad ula iarap ia ngi ban hikai kumno ban bat bad rah bol,” ula pynpaw.
U Shabong ula ialehkai ha ka kynhun ka ri ha ka jingiakhun quarterfinal jong ka Asian Football Federation U-16 Championship 2028 ha Malaysia bad ula shah kynthup ha ka kynhun ba 11 ngut ka Iadian Arrows U-15 I-league mynta ka samoi.
Phi don ban ong eiei?