Shillong: Ka Mawutieng Sports and Cultural Club ha ka 7tarik Lber 2020 ka la pynhap pyrda ia ka lympung ialehkai phutbol ba la tip kum ka IXth Sohryngkham Football Premier League 2019-20 ha madan Thohlyndit, Sohryngkham.
Kane ka lympung ialehkai ka long na ka bynta ki khynnah ialehkai phutbol jong ki dong kiba hap ha u pud u sam ka shnong Sohryngkham.Ki kynhun lane team ki ba iashimbynta ha kane ka lympung ialehkai mynta u snem ki don haduh 21 tylli ia kiba lah phiah ha ki ar division kata ka Premier “A” bad Premier “B”.
Ha ka Premier “B” ka kynhun ialehkai phutbol ka Mawdieja SC ka la long ka lahduh da kaba pynliem ia ka Mawlyndep SC da 3-0 kol. Bad ha ka Premier “A” ka kynhun ialehkai phutbol ka Mawlyndep SC ka la long ka lahduh da kaba pynliem ia ka Mawutieng SC da 2-0 kol ha ka phainal jong ka IXth Sohryngkham Football Premier League 2019-20 ba la pyniaid da ka Mawutieng Sports and Cultural Club.Ka lahduh ha kane ka jingialehkai ka lah iohrah ia ka song pisa ryngkat bad ka trophy.
La ioh ruh ban sam ia ki khusnam shimet ha ka Premier “B” ia ka Best Goalkeeper – Kyrshan Kharmujai, Defender – Bladonbok Kharmalki, Midfielder – Skhem Kharpran, Top Scorer – Meban Kharumnuid bad ha ka Premier “A” ia ka Best Goalkeeper – Klibarson Lawai, Defender – Ribok Kharumnuid, Most promising player – Meban Warkhyllew, Top Scorer – Winstaroy Kharpran.
Phi don ban ong eiei?