Ki don ki khubor hamsaia kiba iathuh ba u don uwei u briew, uba la ioh ia katei ka jingpang Corona ha ka Jylla. Halor katei ka khubor, la pynmih ruh mynta ha ka website jong ka News 18. Tangba haduh mynta kam pat don ka jing pynthikna na ka tnat ka koit ka khiah ka sorkar Jylla.
Ki khubor ki iathuh ba ki skul ki la khang ha kiba bun ki jylla jong ka Ri, ba kynthup ia kiba don ha ka nongbah Delhi bad haduh mynta ka jingdon ki nongpang Corona ha India, ka la kiew sha ka 39 ngut.
Ha Assam, la iathuh ba la ai jing sumar kyrkieh ia 400ngut ki briew, namar ba ki ia leit jingleit lang bad uwei u nongshang pyrthei, uba na America, uba don ia katei ka jingpang Corona bad uba wan na Bhutan.
Ha Maharashtra, la iathuh ba ki don 245 ngut kiba la shah sumar naduh U Kyllalyngkot 2020, namar ba ka don ka jingsuba ba ki lah ban don ka jingpang Corona bad na kitei la iathuh ba 229ngut, ki la thikna ba kim don satia ia ka jingpang.
Ki nongleit jingiaseng ha United States, ki la kiar na kaba ia khublei, da kaba ia pajut kti, namar ba ka don ka jing ai jingmut na ki Pastor kiba pyniaid ia ki balang, da ka jingtieng ba ioh kan don ka jing ia bit na ka jingpang Corona.
Phi don ban ong eiei?