Rah ka St.Mary’s College, ha ka iakop drama

Shillong,17 Nailar:
Kum shi bynta na ka jingrakhe ia ka jing dap 25 snem jong ka, ka Seng Biria U Khasi (SBUK) ha ka sngi saitjain jong ka taiew ka la pynlong ia ka jing iakop ak drama hapdeng ki Kolej bapher bapher ha kane ka jylla. Ha katei ka jingiakop la wan ban ia shim bynta hadudh 7 tylli ki Kolej na Ri Lum Khasi bad Jaintia. La pynlong ia katei ka jingiakop ha U Soso Tham Auditorium.
Ha katei ka jingiakop ka St.Mary’s College ka la ioh ban rah ia ka nam lahduh ryngkat ka song pisa kaba T.7 hajar tyngka ryngkat ka Trophy lyngba ka drama kaba ki la ai kyrteng ‘Isharatiak’ . Ia ka nam kaba-ar pat la ioh rah da ka Sankardev College ryngkat ka song pisa ba T.6 hajar tyngka ryngkat ka Trophy lyngba ka Drama kaba ki la ai kyrteng “Mano Ban Poi Pyrkhat?”, katba ka Shillong Commerce College pat ka la ïoh ïa ka naba lai ryngkat ka saw hajar tyngka bad ka trophy na ka bynta ka jingïalehkai “Wow Ka Apot!”.
La jied ïa u samla Rishanlang Mawrie jong ka Shillong Commerce College kum u Best Actor bad ïa ka Jai Jai Lin Lyngwa jong ka St.Mary’s College kum ka Best Actress. Ki nongbishar jong kane ka jingïakob ki long u Bah Pradip Kurbah, ka Kong Sweety Pala bad u Bah Merlvin Mukhim kiba long ki nongshna phlim bapaw jong ka jylla. ?a ki khusnam sha ki nongjop la sam da u Rangbah W.H.D.Syngkon, bad la ai sngewbha ruh mar shihajar tyngka sha kiwei ki kynhun.