Wad ki lad iada na U Corona, ym da ka tamasa:HSU

Shillong: Ka seng Hynniewtrep Students Union (HSU), ka pynpaw ka jing pyrshah ia ka jing pynlong ka sorkar ia ka tamasa Meghalayan Age, ka ban long ha Thadlaskein Lad Mukhla, West Jaintia khlem da pyrkhat ia ka jingma na ka jing pur sted jong u Coronavirus, khamtam ha kum kine ki por ba u ne u khniang jingpang u la sdang saphriang ha ki katto katne ngut ki nong shong shnong hapoh ka ri india.

Na ka liang ka seng ka kyrpad ia ka sorkar ba kam dei ban leh sting bad ruh ka seng ka kyrpad sngewbha ban sangeh shwa ia kane ka tamasa, namar ha kum kane ka por baka sorkar ka dei ban wad shwa ia ki jingiada na u coronavirus bad kumjuh ruh ba kan ym kthah ia ki khynnah ba dang don exam, la pynkut ka kyrwoh na u samla KL Rymbai, President.