Shillong: Ka Shillong Khasi Jaintia Church Leaders Forum [SKJCLF], ha ka jingiakynduh ba kyrkieh mynta ka sngi 3tarik u Lber 2020 ha Shillong, ka pynpaw ia ka jingsngewkhia kaba khraw halor ki jingjia ha kine ki khyndiat sngi ha ka Jylla.
Ka Forum ka phah ia ki jingsngewlem sha ki bahaiing jong kito kiba la khlad noh na kine ki jingjia, bad ka duwai ruh na ka bynta ka jingkoit jong kito baroh kiba la mong bad mynsaw.
Ka Forum ka kyrpad sngewkhia ia baroh ki kynhun bad ki seng ban iatreilang na ka bynta ka jingsuk ha ka Jylla, bad khmihlynti ruh ba ka suk ka saiñ kan wanphai noh khamtam ha kine ki sngi ha kaba bun ki khynnah skul ki don ban ialeh ia ki eksamin bapher bapher. Ka Forum ka kyntu jur ia ka Sorkar ban shimkhia ha kaba wanrah ia ka jubab kaba neh halor kine ki jingeh ba la iakynduh da ki nongshongshnong ha ka Jylla.
Phi don ban ong eiei?