Pynjari korphiw ka ba 12 kynta

Shillong: Ka Deputy Commissioner (DC) ka East Khasi Hills District ka la pynjari korphiw ba 12 kynta kata naduh 6 baje janmiet jong ka 2 tarik haduh 6 baje mynstep ka 3 tarik lber 2020 ha baroh ka nongbah Shillong.

Ki jaka ki ba ngat ha ka korphiw kin long ha baroh ki jaka ki ba hap hapoh jong ka nongbah Shillong, Municipal bad ki jaka ki ba hap hapoh ka Cantonment.

Ki jaka ki ba ngat ha ka korphiw kin long baroh ki jaka kiba hap hapoh ka Mawlai Block bad ki ba dei hapoh jong ka Census Town, ki jaka ki ba hap hapoh ka Mawpat Block kiba hap hapoh ka Census Town, Mylliem Block naduh jingkieng Umshyrpi haduh Hynniewmer, Madanriting, Mawblei, Laitkor, Nongkseh, Umlyngka, Lawsohtun, Mawdiangdiang, Diengiong bad ka Siejiong.