Pluh 5 tylli ki dukan ha iew Photkroh

Shillong: Kumba 5 tylli ki dukan ki la julor lut hadien ba ka ding ka ba klang ka la ioh ban bam duh ha ka por shiteng miet, hapoh ka iew Photkroh kaba don hapoh jong ka South West Khasi Hills District.

Na ka liang jong u SDO Civil Sub Division jong ka Ranikor la iathuh ba ka don ka jingpluh ki dukan bad na ka liang jong ki kali pynlip ding kila leit sha katei ka jaka bad mynta dang ap ia ka kaiphot.

Kiwei pat ki lad khubor ki iathuh ba kane ka jingpluh ki dukan ka long hapoh iew bad ka jingjia ka long ha ka por mynmiet. La iathuh ba kam shym don kano kano ka jingjia ba sngewsih, ha kane ka jingpluh ki dukan, hynrei ki mar ki mata ki la julor lut.