Wer ka EKHCA sha ka jingialehkai kriket ki heprit

Shillong: Ka East Khasi Hills Cricket Association ( EKHCA) kan pynlong ia ka lympung ialehkai kriket na ka bynta ki khynnah kiba hapoh 12 snem bad hapoh 15 snem ka rta ha u Lber mynta u snem.

Ka lympung ialehkai Under- 12 kan dei tang na ka bynta ki shynrang, katba ka Under- 15 kan long na ka bynta ki shynrang bad kynthei.

Kino kino ki kynhun ne skul kiba kwah ban iashim bynta ki lah ban phah ia ka bai rung kaba T. 500 hashwa ia ka 7 tarik u Lber. Ia ki jingtip ba kham bniah ki lah ban iakynduh ia u Bah Aaron Diengdoh ( 9485449298).