Register ki pulit da ka suo moto case, halor ka jingthang lama India

Shillong: Halor ka jingsaphriang ka Video lyngba ka Facebook, ba kala don ka jingthang ia ka Lama jong ka Ri India ha ki briew bym lah ban tip satia ba ki dei kiei, na ka liang jong ka tnad pulit jong ka sorkar jylla Meghalaya ka la buh ia ka ejahar halor ia kane ia kaba la tip kum ka “Suo Moto Case”.

Haba kren bad ka Deputy Commissioner jong ka East Khasi Hills District ka kong Matsiewdor War Nongbri, ka la iathuh ba na ka liang jong ki pulit ki la register ia ka ejahar “Suo Moto Case” pyrshah ia ka Facebook Account kaba la thep (upload) ia kane ka Video.

Na ka liang jong ka DC ka la ong ba ka jingtohkit ka bniah halor kane ka dang iaid sha khmat ban lap ia ki briew kiba don kti ha kane ka kam runar bad ban wad haduh ban da lap ia kine ki runar kiba leh ia kane ka kam.