Hap shong jing ia lang ka NPP, ban pynskhem ia u kyrtong MP

Shillong: U kyrtong ka National People’s Party (NPP) na ka bynta ka ilekshon Member of Parliament (MP) sha ka Rajya Sabha, u Dr. W. R Khar lukhi myn hynnin ka sngi, u la ong ba ka NPP kan sa ia shong biang na ka bynta ban pynskhem kyrtong na ka bynta ka ilekshon MP.

U Dr. W. R Khar lukhi u ba dei ruh u president ka NPP ka jylla Meghalaya u la shah jied na ka bynta ban iakhun iaka ilekshon MP wat la u kyntait ha ka por mynshwa.
“Hoid nyngkong nga la kyntait ban iakhun ilekshon hynrei ka party (NPP) ka don shaniah ia nga na ka ta ka daw nga la kloi ban ieng na ka bynta ka party namar nga dei u briew jong ka party” u la bynrap.
U Dr. W. R Kharlukhi u la ong ruh ba hadien ka jing ialang jong ka NPP kan sa don ruh ka jing ialang jong ka sorkar MDA namar ba ka NPP kan hap ban ia treilang bad kiwei pat ki seng sain pyrthei jong ka jylla na ka bynta ka jing jop.