Shillong: Ka jingialang ka UDP Parliamentary party kaba long ha ka 14 tarik Rymphang 2020, kala jied bujli ia u MDC ka Sohra u bah Titosster Well Chyne kum u nongialam ka parliamentary party.
Kham mynshwa, ka UDP kala jied ia u bah Teinwel Dkhar kum u nongialam ka parliamentary party bad ula long ruh u CEM ka KHADC la 9 bnai eiei shwa ba un khyllem noh ha u bnai Naiwieng 2019.
Ha ka jingialang ka UDP, la don lang ki MDC ka UDP ba kynthup ia bah Teinwel Dkhar, bah Jambor War, bah Ryngkat lang Lyndem bad bah Bindo M.Lanong, ki la rai da kawei ka sur ban jied ia u bah Titosster ban long kum u nongialam thymmai.
Ar ngut ki MDC ka UDP pat kynthup bah Paul Lyngdoh bad bah Teibor Pathaw ki la mih noh na ka United Democratic Alliance (UDP) ba ialam u bah Teinwel Dkhar bad leit kyrshan ia ka kynhun United Democratic Forum (UDF) ba ialam da u bah Latiplang Kharkongor.
Kine baroh saw ngut kila phah ia kane ka rai jong ka jingialang sha u president bad secretary ka UDP ba kin tip.
Phi don ban ong eiei?