Shillong: Ka jingialehkai quarter final ba khatduh jong ka 4th kiw sing memorial football tournament ba la pyniaid da ka seng treilang sports and cultural club pongtung ka la long kaba itynnat ha kaba baroh ki ar tylli ki team ki la ia khun tyngeh ban ioh rung sha ka semifinal jong kane ka tournament hynrei hapdeng ki jingialehkai ki player jong Ka Lyngkyrdem ki la ioh ban pynkhih ia ka jar ha ka minute kaba 35 lyngba u Batskhem Thangkhiew.
Ha ka kylla miet ka Lyngkyrdem royal challenger ka la ioh ban pynkhih jar biang lyngba u player khmat jong ka kata u Wildelbert Marbaniang ha kaba u la ioh ban thep ar goal ha ka minute kaba 66 bad 72. Ka PWD da ka jingtrei shitom jong ki player ka la ioh ya ka tie breaker lyngba u Fredy kharbyngar ha ka minute kaba 78.
Te ka jingialeh kai ka la poi sha kaba kut ha kaba ka royal challenger ka la ioh ban ioh rung sha ka semifinal na ka liang ka club ka khot sngewbha ya ki riew ieit football jong ka dong ka thain, ban wan sakhi ia ka jingialehkai ba itynnad jong ka semi final kaba nyngkong tam hapdeng ki team ba khlain bor ha jingdon ki player ba paw kong ka Jylla, kata ka Iaikyrsoi mawkajem fc pyrshah ia Ka Galaxy fc ha ka 28tarik Rymphang 2020 ha ka por 2:00 pm janmiet, ong ka kyrwoh khubor.
Phi don ban ong eiei?