“Khrist lamler!”

AIS Suja

Khrist lamler ka mut kiba ak ialade um u Khrist ym kiba pyrthuhbud ialade ha ki jinghikai bad ki lynti jong u Jisu Khrist, na kata ka daw ka ktien u Blei ka ong – “Wat mynta ruh la mih noh shibun kiba ialeh pyrshah ia u Khrist” even now many Anti Christs have risen. 1 Ioannis 2:18. Ki nongialeh pyrshah ia u Khrist kim dei kiba tang nabar hynrei napoh iing ruh ki don.

Ka dei ka mynsiem Khrist lamler mynsiem ialeh pyrshah bad kane ka mynsiem ialeh pyrshah ka don ha ka pyrthei synshar khadar (Political world) ka don ha ka pyrthei business (Business world) ka don ha ka pyrthei niam (Religious world) wat hapdeng kiba khot ialade ki Khristan.

Ki Khrist lamler kiba rit ki don kylleng bad ki don ha ki ka dak (Mark) ba ki kwah burom kwah ioh jingiaroh ba kiwei kin pynkhraw kin mane ia ki ne burom ia ki, ka la long hi kat ka kyrdan jingkwah ba kiwei pat kin mane ia ki. Kane ka mih na ka mynsiem (Spirit) bad ka long hi ka mynsiem u Khrist lamler (Spirit of Anti Christ).

U Jisu Khrist u la kren ia kane naduh ba u dang don hangne ha pyrthei bad u la iohi ia kata ka mynsiem Khrist lamler (Anti Christ Spirit). U la kren ha ki nongthoh bad ki Pharisi (Hypocrites and Pharisees). Ki long kumno? “Ki jingleh jong ki baorh, ki leh khnang ia ka ban iohi da ki briew ……. Ki ieit ia ki jaka ba don nam don burom ha ki jingkhawai bad ki jingshong bakortam ha ki Synagog ba yn khot ia ki da ki briew “Ko Rabbi”, ko nonghikai niam. Mathaios 23:5-12.
Shisien ba la shim burom halade khlem da ai burom sha u Blei u Trai, kata hi ka pyni ba u don ka mynsiem Khrist lamler (Spirit of Anti Christ). Bun bah ha ka pyrthei ki shim sha lade ka burom. 90% sha lade 10% sha u Blei. Hynrei ka ktien u Blei ka hikai ba ka burom bad jingpyndonburom, ka bor baroh ka dei ka jong u Khun u Blei u Jisu Khrist u Trai kein. Ngi lah ban ym sngewthuh ia kata ka mynsiem kaba trei, hynrei dei ban iit bha ialade hato ka burom ngi ai sha u Blei ne sha lade? Namar ka long kaba mynsaw ban shim ia ka bhah ba burom jong u Khun u Blei tang ban ioh iaroh ha khmat ki briew.
Ka jingkwah burom ka dei ka jong ka doh ka dei ka jingkwah brai ka doh kat haduh ba uta u nongkwah u kwah ba kiwei kin mane ia u, bad kane ka dei kata ka mynsiem u Khrist lamler (Anti Christ).
Dei na kata ka daw ka ktien u Blei ka ong – “Ko khun hep ka long ka por kaba khadduh, kumba phi la iohsngew ba uta uba ialeh pyrshah ia u Khrist u la wan. Wat mynta ruh la mih noh shibun kiba ialeh pyrshah ia u Khrist: nangta kein ngi tip ba ka long ka por BAKHADDUH” 1 Ioannis 2:18.
Ka mynsiem ialeh pyrshah kam riej iano iano ka wan na u ksuid u soitan Lucifer na kata ka daw dei ban bishar bha ia ki mynsiem, ki long na u briew ne na u Blei, namar ki Khrist lamler ki la bun eh, bad na kane ngi sngewthuh ba ngi im ha ki sngi ki por bakhadduh, ong ka ktien u Blei.
Shen un wan paw ruh u Khrist lamler uba khraw u ban leit shukor ia ka pyrthei baroh kawei da kaba un shukor shwa ia ka Israel ha kata ka jingiateh Jutang bad u . Ka Jutang (Peace Treaty) kan neh tang 3 snem shiteng. Daniel 9:27. Ha kaba nyngkong eh un leh ialade kum u Messiah (Christ), “Un rung ha kata ka ri ba don burom (Israel) bun ki ri un pynkyllon” Daniel 11:41. Une u Khrist lamler uba ialeh pyrshah uba pynsarong ialade pyrshah ia baroh ba la khot Blei lane ba ju mane, un shong ha ka Temple u Blei, U DA LEH BLEI IALADE”1 Thessolonni 2:4.
Kine ki long ki por jingialeh pyrshah ia u Khrist bad ia ki nongbud jong u ki nongbud kiba shisha. Nangne kein ngi tip ba ka long ka por kaba khadduh.