2 bnai khlem poi khaw baduk, sha ki 6 shnong ka thain Balat

Shillong, 14 Nailar:
Hynriew tylli ki shnong ka thain Balat ki khlem ioh khaw baduk bad umphniang sharak la ar bnai mynta. Ka Shini lei ki khlem ioh shuh mynta la bun bun snem.
Katkum ka jingia thuh jong uwei u nong shong shnong ka Balat Bah R Nongsiej lyngba ka phun, mynta ar bnai kim ioh ia u khaw rashon kaba wnrah jingeh khamtam kiba shu im ja kpoh ban leit bylla sngi. Kane ka jingbym ioh Khaw rashon kala ktah iaki san tylli ki shnong ba kynthup iaka Balat, Umlynter, Pynden Umsawrang, Phodstein Nongrum bad Nongneng bad Kandapara (Hajong) ha kaba ki don haduh 200 tylli ki longiing kiba don hapoh u line BPL.
U la iathuh ruh ba ia kane ka jingbym ioh khaw rashon ka dei naduh u Bnai Naitung kaba kim ioh khaw baroh shibnai kynthup ia une u bnai ba mynta. Ula iathuh ba ki ju ioh barabor 35 kilo shi card u khaw bad kumjuh ka umphniang sharak ki ju ioh ryngkat lada sam khaw rashon hynrei kat haduh mynta kim pat ioh satia ia utei u khaw.
U la iathuh ba ka kam sam Rashon la shimti da u Bah S Syiemlieh hynrei haba kylli ia u balei ba ym ju ioh ia u shini ula pynpaw ba kam don ka thup napoh ka ophis u Deputy Commissioner.
Na ka liang utei u Rangbah ula kyntu iaki bor ba dei peit ba kin sngewbha ban shimkhia ia kane ka kam kaba ktah iaka iap ka im u paidbah.
Kane ka jingeh kaba ki paidbah nongshong shnong kitei ki hynriew shnong ki iakynduh, ka la pynlyngoh haduh katta katta khlem tip ia ka daw ba balei u khaw khaw rashon BPL, AAY, APL, ka umphniang sharak, ki bor ba dei peit bad ba sei sam kim lah shuh ban sam kumba dei manla u bnai.