Shillong: Hadien ba ka jingia kynduh jong u Myntri Rangbah ka Jylla u Conrad K Sangma bad u myntri kam pohing jong ka Sorkar India u AmitShah, ka ba la long mynnin ka sngi kam shym la long ka ba seisoh ha kaba ka sorkar India ka la pan por biang ban pule bha shuwa ia ka jingdawa ILP ha ka jylla mynta ka sngi ka Confederation Of Meghalaya Social Organisation ka la khot ia ka jingialang kaba kyrkieh.
Ha kane ka jingialang na ka liang u Chairman ka COMSO u bah Robertjune kharjarin, u la pynpaw ka jing sngewsih ia ka jing khein sting palat jong ka Sorkar India ban ai noh ia ka jingmynjur ban pyntrei kam noh ia ka ILP ha ka jylla Meghalaya bad na ka liang ka CoMSO ka la rai ba ha ki sngi ban wan ka jingiakhih kan ym dei shuh ia ki jingiakhih ka barit, hynrei kin wan rah da ka jingiakhih ka baheh bad kaba khlain ka ban lah ban pynbor ia ka sorkar India ban ai noh ia ka ILP ha ka Jylla Meghalaya.
U bah Robertjune u la iathuh ba shuwa ba kin sdang ia ka jingiakhih ka ba tyngeh kin pynkhreh bha shuwa da ka ba kin iamir jing mut bha shuwa bad ki riew khraw pyrkhat jong ka jylla baroh kawei khnang ba ka jingiakhih kan long ka ba khlain bad ka ba lah ban pynbor ia ka Sorkar India ba kin ai noh ia ka ILP ha ka jylla.
“Ngi dei ban ia mir jingmut lang bad khraw pyrkhat jong ka jylla na baroh kawei ka jylla khnang ban wan rah ia jingiakhih kaba heh bad ka ba khlain ka ba lah ban pynbor ia ka sorkar pdeng ba ka ai noh ia ka ILP ha ka jylla” u la ong. U bah Robertjune u la iathuh ruh ba ha kine ki sngi ki ban wan na ka liang ka CoMSO kin sa lum jingialang bad ki khlieh nongsynshar kum ki Syiem,ki Daloi,ki rang bah jong ki raid, ki rangbah shnong, ki seng samla,ki seng longkmie ban ia mir jingmut bad ban pan ka jingiatrei lang.
U la iathuh ruh ba kane ka jingiamir jingmut kan long ar sien kawei ha Shillong bad kawei ha Tura, ha kaba ha Shillong kin lum kin lang ia ki riew khraw pyrkhat ki ba na khasi Jaintia bad ha Tura ia ki riew khraw pyrkhat na rilum Garo.
U la ong ruh ba shuwa ba kin wan rah ia ka jingiakhih kaba tyngeh kin pynkhreh bha shuwa da ka ba jai jai khnang ba kin lah ban wan rah ia ka jing iakhih ka ba khlain bad ba ka jingiakhih kaba mynta kan ym pulom bad ba kan lah ban pynbor ia ka sorkar India ba kin ai noh ia ka ILP ha ka Jylla Meghlaya.
Ia joint lang noh bad ka Revolution Iada laka Ri, nai ia kwah paw khmat than, tylli kawei nai ia pynpait seng than lada dei ba neh ha KSU mano tam ban long Prsedent mynta lait bah Kharjarin ne kwah long President shirta ne kum kiwei ki seng tymmen juh shi u juh u president namar ha ksu te ymlah ban long kumta. Ka seng te youth shi youth nongialam pat ladei ban long sa ki khon ruh ym ailad… ia tylli lang baroh ngin kyrshan kawei, lym kumta ngin leit bud tang shano Saw Seng, REVOLUTIONS, ne COMSO etc… nai ia pynngiah iaka mynsiem ialeh ki paid ka Ri da ka jingiapait iapra bad kwah ialam hala hala…