Dang pahara ki pulit ha Umwali, ka jaka ka la jai jai

Shillong: U Superintendent ki Pulit jong ka West Khasi Hills District u bah B J Laloo u la iathuh ba mynta ka sngi kam don shuh kano kano ka jingpyndik na ka liang ki pulit Assam bad ka jingjia ha shnong Umwali ka la jai jai,bad na ka liang ki ki pulit ki dang pahara ha katei ka jaka khnang ban don ka jingsngew shyngian ki paidbah nongshong shnong katei ka thain.

Ban pynkynmaw ba ha kine ki sngi ka jingbitar jong ki paidbah ka la khie hadien ban a ka liang ki pulit Assam ki la wan bad thmu ban wan knieh jubor ia ki jaka ban shna ia ka Police Out Post ha katei ka jaka hynrei ki paidbah nongshong shnong ki la pyneh ban pyrshah ia kane ka jingleh don bor ki pulit Assam.

Halor kane ka jingjia ki bor ba dei peit ia ka District Administration na West Khasi Hills bad kum juh na Kamrup District ki la ia kynduh ha katei ka jaka ban ia pynbeit ia kane ka jingjia ba kan ym mih kano kano ka jingkulmar ha katei ka jaka kaba dang don mynta ha pdeng ka jingiakam mar kylliang.