Shillong: Wat hadien ka jing kam ka sorkar Meghalaya ba kam don satia ka jing kit dewiong beain, hynrei man ka por ka don beit ka jing shah bat ne kylla jong ki trok ba kit dewiong ha kylleng sawdong ka jylla Meghalaya.
Ha ka miet 19 tarik rymphang 2020 ki pulit ki la bat haduh 83 tylli ki trok ba kit dewiong ki ba iaid lyngba ka surok Mairang sha Mallangkona jong ka West Khasi Hills. Haba dei bad kane na ka liang ki pulit kila kem noh ia 2 ngut ki draibar ki ba kit dewiong klhem don ki kot ne ki ‘Challan’ ba biang.
Na ka liang u SP jong ka West Khasi Hills u Bashan J. Laloo u long ong ba ki pulit ki la ki la bat noh ia kine ki trok namar ba kim don ki kot ba biang kum ki ‘Challan’ bad kiwei kiwei de. U Bashan J. Laloo u la pynpaw ruh ba ka long ka eh ia ki pulit ban bud dien ia ki trok kit dewiong beain namar ka jylla ka bun palat ki surok na ki jaka ba kham kyndong.
Kumba shu pynkynmaw dang ha ki khyndiat sngi ki la mih ki khubor lyngba ki ‘Social Media’ ba ki trok kit dewiong mynta ki la sdang ban iaid lyngba ka shnong Mallangkona na ka bynta ban poi sha ka jylla Assam.
Phi don ban ong eiei?