Shillong: U MLA jong ka Mawlai u Bah Process T Sawkmie mynta ka sngi ha ba ia kren bad ki ladpathai khubor u la iathuh ba ka party congress ka kloi ban ia leit lang ban ia kynduh ia u myntri kam poh iing ka sorkar pdeng u Amti shah ban ia kren halor ban pyntrei kam noh ia ka Inner Line Permit ha ka jylla.
U Bah Process u la iathuh ba na ka liang jong ka party Congress ka la phah ia ka jingtyrwa sha u myntri rangbah ka jylla u Conrad K Sangma ba lada don kam ban ia leit lang na ka liang jong ka party ka long kaba la kloi ban leit ban ia kren halor ka ILP.
Na ka liang u Chief whip ka Congress u la ong ba, ia mynta na ka liang jong u myntri rangbah u la iaid sha khmat ban ia kynduh ia u myntri kam poh iing ka sorkar pdeng bad ka dei ka kamram jong ka sorkar ban rah sha ka sorkar pdeng ia ka rai jong ka iing dorbar ha kaba ia dei bad ka rai ban pyntrei kam ia ka ILP ha ka jylla.
U bah Process u la ong ba lada na ka liang jong ka sorkar lada ka don kam ban ialeit lang baroh 60 ngut ki MLA sha Delhi ban ia kynduh ia ka sorkar pdeng halor kane ka jingdawa ka jylla ban ioh ia ka ILP ruh ki long kiba la kloi ban leit da ka kam ka dawa la ong u bah Prestone.
Phi don ban ong eiei?