Khang ki iew ki hat, iaid bun ki kali, ha ka pakhang shnong ka HNLC

Shillong, 14 Nailar:
Wat la ki iew ki hat ki la khang kdam lut khamtam ha ka nongbah hynrei bun bah ki kali shimet bad ki kali taksi ruh kiba iaid.
Ka pakhang shnong ka HNLC ka la sdang naduh hynnin ka 6 baje janmiet haduh lashai 6 baje janmiet.
Mynta ka sngi Palei ka sngi sdang jong ka jingkhot pakhang shnong ka seng lehnoh kala iaid beit khlem don kano kano ka jingjia.
Ha kane ka sngi ki iew ki hat ki dukan kila khang lut ha kane ka nongbah shnillong lait noh tang ki dukan shnong, ki nongleit ophis ruh ki duna bad ki bank baroh kila khang lut ha kane ka sngi kane ka pakhang shnong ba la khot da ka seng HNLC kala ktah ia ka leit ka wan jong ki paidbah. Hynrei, bun ki dukan shnong ha ki dong bad ki jaka kiba plie ha kane ka sngi.
Haduh ba thoh ia kane ka khubor ym shym la ioh ba kan don kano kano ka jingjia ba sngewsih na ka liang jong ki pulit kila pahara bha ban peit ba kan nym don kano kano ka jingjia bad ki dkhot jong ka seng HNLC kin nym ioh lad ban pynkulmar.