Shillong: U Bah D. Hynniewta. Sub Divisional Officer jong ka Pynursla Civil Sub Division, u la ong ba ki jing ialehkai tynrai kum ka ‘Mawpoin’ bad ‘Suhkhnam’ kin long ki jing ialehkai ban pyn shong shit ia ki paidbah ha ki ar sngi jong ka ‘Spring Festival: Lake Side Fiesta’ ka ban long ha ka 28 bad 29 tarik rymphang 2020.
“Nalor ki jing shad bad jing rwai tynrai ki paidbah jong ka shnong ki pyn shong shit ia ki paidbah lyngba ka jing ialehkai ‘Mawpoin’ nad ‘Suhkhnam’ namar bun na ngi ngi la klet ia kum kine ki jing ialehkai tynrai ki ba baroh ngi ju sngewtynnad bha ban ialehkai ha ki por ba dang khynnah” u la bynrap.
Ki jing ialehkai ki nong pyniaid ia ka ‘Spring Festival: Lake Side Fiesta’ kin pynlong ruh kum ia ka jing iakop kieng lieng ha ka pung ba don ha kane ka shnong bad kan don ruh ka jing iaid kjat ne ‘Trekking’ sha ka khlaw ki btap bad ki wah ki ba don hapoh ka shnong Langkawet bad ki shnong marjan.
Nalor kine kan don ka jing ia kop niah kali da ka Adventurous Hynñiewtrep Off Roader (AHOR) sha ki lum pyrshah ka pung ‘Ribbit’.
U nong ialam jong ka AHOR u bah Andy u la ong bad ka AHOR kan sa ia wer ruh ia ki paidbah ki ba kwah ban ia shim bynta ha kane ka jing iakop niah kali sha ki lum.
Ka ‘Off Roader’ kadei ka rukom niah kali lyngba ki maw baheh, ki lum ki ktieh da ka ba pyndonkam da ki kali ba la shna kyrpang tang na ka bynta kine ki jing iakop.
U bah Andy u la ong ruh ba ka AHOR k don kumba 5 tylli ki kali ‘Off Road’ na ka bynta ban pyniap mat ia ki paidbah na ka bynta ka Spring Festival: Lake Side Fiesta’.
Phi don ban ong eiei?