Shah kem 16 ngut ki nongniah trok

Shillong,14 Nailar:
Ka kong Agnes Kharshiing, President, CSWO(A) ka la ujor sha ki pulit ka Khliehriat PS ba ha ka 10 tarik mynta u bnai ka la lap ia kawei ka thliew tih dewiong kaba la ot sawdong na shalor hajan Moochut ba kam don kano kano ka jingker kynroh sawdong jong ka , kaba la wanrah jingma ia ki paidbah bad ka la ujor ba ka la lap ruh ba ki don ki nongtrei dewiong ha katei ka jaka kijba dang trei kam kaba long pyrshah ia ka hukum ka NGT kaba la khang ban tih dewiong.
Ha ka 11 tarik pat, ha ka por ba ki pulit ka Khliehriat PS ki dang iaid pahara ha surok Rymbai ki la io kem 16 ngut ki nongniah trok kiba la tip kyrteng kum u (1) Morningstar Lyngdoh, (2) Handame Rymbai, (3) Utpal Nath, (4) Md. Anwar Husain, (5) Hubor Lyngdoh, (6) Piwas Bareh, (7) Lakhan Dhar, (8) Daman Chyrmang, (9) Jimi Challam, (10) Denilson Rymbai, (11) Surji Lamare, (12) Godwin Pala, (13) Pyngor Malong, (14) Niya Nongtdu, (15) Joy Phawa bad u (16) Nem Challam, kiba kit dewiong h aka trok ba ki niah na ka bynta ban shalan sha ki thain ka Lumshnong kiba long pyrshah ia ka hukum ka NGT kaba la khang pyrshah ban tih dewiong, ong ka khubor pulit.