9,100 ngut kiba pang HIV ha Assam

Guwahati,13 Nailar:
Jan kot phew hajar ngut ki briew ha Assam kiba don ia u khniang jingpang HIV, katkum ka jubab ba la wanrah ha Ing Dorbar Thaw-ain ka jylla mynta ka sngi la iathuh ba ki la don haduh 9,100 ngut ki nongpang HIV ha katei ka jylla.
Katei ka jubab ka dei kaba la mih na u myn tri jong ka State Parliamentary Affairs u Nilama ni Sen Deka uba la ia thuh ba katei ka dei katkum ka ripod haduh ka 31 tarik u lber,2014. U Deka u la jubab ha ka jaka u myntri ka koit ka khiah u Nazrul Islam ia ka jingkylli ba la wanrah da u MLA ka u Swapan Kar. Ka Deka la iathuh ruh ba ha Kamrup Metro district, kaba bun na ki bynta jong ka ka dei ha sorbah Guwahati ki nongpang ki long haduh 3,570 ngut, bud pat ka Cachar District kaba don 1,866 ki nongpang.
Kiwei pat ki district kiba don bun ngut kiba ioh ia utei u khniang jingpang ki long Dibrugarh (630), Nagaon (418), Golaghat (304), Karimganj (272), Sonitpur (252), Bongaigaon (228), Karbi Anglong (207) bad Jorhat (207). Ka Deka ka la jubab ba dei tang ka Chirang district ka bym pat idon ia utei u khniang jingpang haduh mynta mynne.
Kiwei pat ki district kiba don ia u khniang jingpang HIV ki long Baksa (11), Udalguri (22), Hailakandi (23), Dhemaji (39), Morigaon (50), Lakhimpur (57), Dima Hasao (59), Nalbari (65), Darrang (66), Sivasagar (70), Kamrup Rural (86) bad Goalpara (93). Ka Kokrajhar, Barpeta, Tinsukia bad Dhubri districts ki don 150, 127, 124 bad 114 ngut kiba ioh ia ute u khniang jingpang.
U myntri u la pyntip ruh sha ka Ing Dorbar ba ka Assam State AIDS Control Society ka dang pyntreikam ia ki National AIDS Control Programme, katkum ka jingthmu jong ka ban iada na katei ka jingpang. Haba kren pat shaphang ka jingpang Japanese Encephalitis, ka Deka ka la ong bahaduh ka 6 tarik u nailar ki la don haduh 122 ngut ha ka jylla kiba la duh ei la ka jingim na katei ka jingpang. “6 ngut ki briew ki jla iap mynta u snem namar ka jingpang Malaria” ong u myntri.