Shillong: Ha ka 12tarik mynta u bnai, ka la don ka jingshah thang jong kawei ka kali PWD ML 01 5716 ha Langkyrding, Shyiap bad nangta sa kawei pat ka kali Bolero Pick Up, ka shah thang ha Laitlum, Mawlai Mawtawar, kaba don ia u number AS 18 C 8797.
Lyngba ka jingring dur jong ka CCTV, la lah ban lap ia kawei ka bike kaba don ia u number ML 05 K 9946 bad ha ka jingtohkit, la lap ia arngut kiba donkti ha katei ka kam bad kitei ki long U Bah Banshanlang Myrboh (26) bad U Bah Henry Kharjahrin (20), ong ka khubor na ka Superintendent of Police, East Khasi Hills, Shillong.
La iathuh shuh shuh ba ki pulit ki la kem ia kitei ki arngut bad ki la kam ialade ba ki dei ki dkhot ka HYC bad ki la phla ruh ba ki donkti ha kaba thang ia kitei ki ar tylli ki kali.
Katei ka jingjia, ka la pyn kyndit ia ki pulit, namar ba ka CoMSO, ka kam ba ka iaid da ka jing iakhih, kaba jai jai, hynrei la iathuh ba U bah Henry, u dei u pyrsa jong U bah Robertjune Kharjahrin, uba dei u nongialam ba heh duh jong ka CoMSO bad ka HYC.
Kine ki dei kita ki nongshet kylla. U Judas uba la shet kylla ia u Jisu u dei u synran jong u Jisu hi. Kam mut pat ba u Jisu ruh u long lang kum u Judas. Lada une u pyrsa u shet kylla kam mut pat ba u bah Robertjune Kharjahrin ruh u long lang kumjuh. Ki pulit bad ki bor sorkar ki dei ban sngewthuh ia kane ka jingshisha.
haba leh iaka ba bha bun ki ba shim kabu haka shatri kiwei.Tang ba long nongialam u baha iing,ne para kur bin ki shim kabu.Ngim lah ban tei pop hakiwei iaka jingleh khla jong kiwei.kaei bala jia ia u p.chidambaram haka por ba u long finance minister,shah shim kabu da u khun hi.bad kam mut ba u chidambaram u shikari tuh,think iala u khun