Hapoh shi bnai pynkiew tulop, ong ka ARPSSA-M

Shillong, 12 Nailar:
Ka Association of Resource Person of Sarva Shiksha Abhiyan- Megha laya (ARPSSA-M) ka la ai por shi bnai ia ka sorkar jylla ba kan pynkiew tulop noh ia ki da kaba shim na duh 1 tarik u Iaiong.
“La iathuh ia ngi ba ka sorkar ka la ioh ia ka jingpynbna na ka sorkar pdeng ban pynkiew ia ka tulop jong baroh ki Resource Person ha ka jylla naduh ka 1 tarik Iaiong,”, la ong u general secretary ka ARPSSA-M u Bah Barikupar Mylliemngap haba kren bad ki nongthoh khubor ha kane ka sngi Hatmajai.
U la ong ba ka sorkar jylla ka dei ban pynkiew noh ia ka tulop hapoh ka 12 tarik u Nailur.
“Ngin hap ban pynlong ia ka jingiakhih khnang ba ka sorkar kan sngap ia ka jingdawa jong ngi”, la ong u bah Mylliemngap. Katkum ka jing pynbna ba la pynmih da ka sorkar pdeng kaba la bthah ia ka sorkar jylla ban pynkiew ia ka tulop sha ka T.9,900 na ka T. 6000.
“Ka tulop kaba ngi ioh mynta kam iahap bad ka kam kaba trei. Uwei u Resource Person jong kawei ka Cluster u hap ban peit haduh palat 20 tylli ki skul”, la ong u general secretary ka ARPSSA-M.
Nalor ban peit ia ki kam jong ki skul, ki hap ruh ban peit ia ki skul, hap ai jinghiksi ruh ia ki nonghikai.