Shillong: U Bah Prestone Tynsong, National Vice President jong ka National People’s Party (NPP), ula iathuh ba katei ka seng, kam pat pyrkhat eiei satia ia u kandidet, na ka bynta ban pyn iakhun ia ka shuki Rajya Sabbha, ka ban sa long shen ha ka Jylla.
Haba la kylli, halor ka kyrteng jong U Dr WR Kharlukhi, uba dei U President jong katei ka seng ha ka Jylla, uba la kyntait ban iakhun ia katei ka shuki MP kaba tang kawei na ka Jylla Meghalaya, U bah Tynsong, u ong ba ka jing kyntait kam pat mih, namar ba ka seng ruh kam pat iakren hi ia ka kyrteng jong utei u rangbah.
U Bah Tynsong, u iathuh shuh shuh ba ka la don ka jing ia mynjur hapoh ka kynhun MDA, ba ka shuki Rajya Sabbha, kan leit sha ka NPP, tangba ia u kandidet, uba ki ia mynjur, yn hap ban ioh ruh ia ka jing mynjur lang jong ka kynhun synrop ha ka sorkar, ka Meghalaya Democratic Alliance (MDA).
Mano ba shong thait