Pynliem ka Meghalaya ia ka Arunachal Pradesh ha ka Ranji Trophy

Shillong: Ka Meghalaya ka la pynliem da shi inning bad 248 run ia ka Aruna chal Pradesh ha ka jing iakhun jong ka sngi kaba lai ka lympung Ranji Trophy ba long ha Dibrugarh myn hynnin ka sngi.

Haba bteng na kaba kamai mynshwa 115/5, ka Arunachal ka la hap lut tang ha ka 222 shwa ba kan shah pynliem ha ka Meghalaya da 106.

U nongialehkai Guest-professional ka Meghalaya u Sanjay Yadav u kamai 7/85 kynthup 3/61 ha inning ba nyngkong bad 4/24 ha ka inning kaba ar.
Ha kane ka jing iakhun ki nongialehkai ka Meghalaya ba kynthup ia u Chengkam Sangma u kamai 3/53, Ravi Teja (3/43), Aryan Borah (3/21) bad u Abhay Negi (3/77). U Mohammed Nafees Saddique u kamai 1/22 2nd innings.
U nongialehkai ka Meghalaya u Punit Bisht u shah jied kum u man-of-the-match. Ha ka jingiakhun pat ha ka U-23 Col CK Nayudu Trophy, kaba long ha Mangaldai, Assam, ka Arunachal ka la kamai 153, ha kaba ki nongialehkai ka Meghalaya kynthup u Elchiang Ch Momin u kamai 4/34, Anish Charak 3/22 bad u Roberth Sangma 2/30.
Haba beh ia kane, ka Meghalaya ka kamai 92/4 da kaba duna 61 run. U Rohit Shah u kamai 35 bad u Roshan Warbah (11).