Thung Acting Syiem ka KHADC ha Langrin

Shillong,11Nailar:
Katkum ka hukum kaba la pynmih ha ka 8 tarik u nailar, u Joint Secretary sha ka EC ka KHADC u la pynbna ban a ka daw ba ka Executive Committee ka la weng noh ia u bah Nangtei Singh Syiem iong kum u Acting Syiem ka Hima Langrin, ka Executive Committee katkum ka bor ba la pynkhamti da ka Section 9(1) jong ka Khasi Hills Autonomous District Council ( Nomination and Election of the Syiem, Deputy Syiem and Headmen of Lang rin Syiemship) Act 2007, ka la thung ia u Bestibal Syiemiong kum u Acting Syiem jong ka Hima Langrin ban pyniaid shipor ia ka synshar khadar ha ka Hima, bad la pynbna ruh ba katei ka hukum kan treikam naduh katei hi ka sngi ka 8 tarik u nailar.
Halor katei ka jingthung Acting Syiem ka KHADC, ka Synjuk Ki Khun ki Hajar Ka Hima Langrin lyngba ka kyrwoh ba la pyllait paidbah da u bah Firestone Kharsaw, Secretary ka la pynpaw ka jingsngewnguh ia ka EC jong ka KHADC hapoh ka jingialam u bah Ardent Basaiawmoit, kaba la shimkhia ia katei ka kam, bad ka la ai khublei kyrpang ruh ia ka EC ba ka la weng ia u Nangtei Singh Syiemiong katkum katei ka hukum jong ka , uba ka Synjuk ka la kynnoh ba u dei u shiah uba thar ia ki khun ki hajar jong ka Hima, ka Synjuk ka la ai ka jingiaroh ia ka EC kaba la pyndep ia katei ka kam wat hapdeng ki dieng pyngkiang kiba ker, pynkut ka kyrwoh.