5 lak tam shah lute u rangbah, ha kiba phong uniform pulit Assam

Shillong: Ha ka 1 tarik rymphang 2020 u rangbah Khasi ba tip kyrteng u Kwerin Mukhim na ka shnong Kyndong Mylliem u la shah lute haduh 5 lak 43 hajar tyngka ki 3 ngut ki briew ba phong jain pulit Assam ha Basistha Chariali Police Traffic Point Assam.

Lyngba ka ejahar ba u buh thanad Basistha Guwhati Assam u Kwerin Mukhim u la iathuh ba ha ka meit 1 tarik rymphang 2020 katba u dang iaid lynti ha Basistha Chariali ka jylla Assam ka kali jong u ka la lut umphniang bad um banse ban pynieng ia ka kali harud surok ban leit thied umphniang na ka petrol pump ba don kham pajih na ka jaka ba u pynieng ka kali. Hadien ba u la wan phain ryngkat bad ka umphniang u la iakynduh 3 ngut ki briew ba phong jain pulit Assam ki ba shong da ka kali pulit Assam hi kaba don ia u number plate AA 30 6681, dei hangne ba ki la dawa pisa bad ka shoh ia u bad da ka jing leh donbor jong ki, ki la ioh ban khung haduh 5 lak 43 hajar tyngka.
Na ka liang u Kwerin Mukhim u la kyntu ia ki bor pulit Assam ban thwet bad kem noh ia ki briew ba donkti ban lute ia u.