Pyntrei kam noh ia ka entry, exit point, dawa ki saw seng ha Mairang

Shillong: Ki dkhot jong ki 4 Seng ki ba kynthup ia ka Khasi Student Union,ka Hynniewtrep National Youth Front,Federation Khasi Jaintia Garo People, Ri Bhoi Youth Front mynta ka sngi ka la pynlong ia ka jingialang paidbah ban pyrshah ia ka CAA bad ban dawa ia ka ILP ha ka jylla ha ka shnong Mairang da ka ba kyntu ia ka sorkar jylla ban pyntrei kam noh mardor ia ki khyrdop Entry and Exit point bad kyntu ruh ia ki Dorbar Shnong ba ki dei ban phikir iaka rung ka mih ki mynder ri ..

Ia kane ka jingialang paidbah, la sdang na Lumsoh Khlur bad pynkut ha Station Pyndeng Umiong Mairang, ryngkat ki dkhot ka Seng HNYF Mairang Sub-Division Circle, KSU Mairang Circle, FKJGP West Khasi Hills ki khynnah Skul bad ki nong shong shnong ka tei ka thain.Ha kane ka jingialang, ki 4 seng ki la pynrem jur ia ka Sorkar India baka wan rah bad pynlong Ain ia ka CAA hapoh ka RI bad ki la pynpaw ruh ba ka don jing ma iaka jaitbynriew jong ngi kaba rit pait ha Meghalaya.

Ka Sorkar MDA bad baroh ki MLA ba ki dei ban pynurlong noh ia ka lLP kumba thrang ki paidbah jong ka ri khasi, la ong u bah K.Skan Rani Vice President HNYF. Kiba ai jing kren ha kane ka sngi ki kynthup ia u Samla K.Skan Rani Vice President HNYF Central Body, Samla Donald Thabah General Secretary KSU Central Body, Samla Welbirt Rani President FKJGP Central Body, Sordar Shnong Sangshong Mairang bah Ambrose Marwein bad kiwei.