Shillong: U Superintendent ki pulit ba dei peit ia kam pyniaid kali u BD Marak u la ong ba ka jingpyniaid kali na Police Bazar ka dang dei tang ka jingpyrshang haduh mynta kim pat shim ia kano kano ka rai la kin dang pynneh ne weng noh.
Utei u heh pulit ba dei peit ia ki kam pyniaid kali ha kane ka nongbah Shillong u la ong ba na ka liang jong ki pulit kila pyrkhat bad jurip ia kane ka surok la slem bha, hynrei kala shu sah kane ka surok khlem pyndon kam ia ka.
La iathuh ba kumba ka long mynta tang ki kali ML05, ki la don palat ia ka 1.80 lak tylli, kaei kaba ki pulit kila ioh ia ka jingtip na ki paidbah ka long ba mynta bun ki riew tynmen kiba leit Police Bazar, ki la pynpaw ia ka jingkmen ba ki la lah ban leit khlem don shuh kano kano ka jingwit.
Na ka liang jong ki pulit ki dang peit bniah ia kane ka rukom pyniaid kali namar ka dang don ka jingsahkut kali ha Umsohsun bad Jaiaw bad Mawkhar ia kaba ki dang ia leh ban pynbeit, hynrei ha kine ki sngi la shem ba ka jingdheng kali kam long shuh kumba long mynshuwa.
Da kaba pyniaid kali na katei ka jaka ki kali mynta ki la lah ban leit sha Thana Road bad haduh mynta ym pat ioh kano kano ka jingujor pyrshah ia kane ka jingpyniaid kali bad kam pat don ruh kano kan ka jingtyngkhuh kali ha kane ka jingpyniaid kali thymmai.
Ka jing pyniaid Kali napdeng iew pb ka long kum ka jingpynthud ia ki nongwan iew ,lada ki nong pyniaid Kim sangeh Kane kan Wanrah jingmynsaw ia ki paitbah khamtam ki khynnah skul kiba ju iaid short cut na pdeng iew pb
Kan pynjynjar ia ki nongleit nongwan namar lada ka dei ka pedestrian way kumno hap iaid kali noh. Nalorkata, ki kali kin iaid eh ha ka speed katno. Ka Motphran Area lei ka bym don parking lot lah kulmar lut namar nalir ba ka dei ka one way baroh shilynter, duh sa ka roadside parking. Yn ia leit iew leit hat shuh kumno ban kit tiar kit tar.