Yn kyrshan U Danggo, ia u kyrteng Congress na Langrin

Shillong: U shongknor ba rim jong ka iing dobar thawain ka jylla, u Martin M Danggo u la iathuh ba un ai ka jingkyrshan ia u kyrtong ka Congress u bah Jotin Khardewsaw ha kane ka MDC elekshon shiteng samoi kaba long ha Langrin.

U la ong “Ym dei ba tang ba ngan ai ka jingkyrshan, hynrei ngan da leit ruh ban kanbas na ka bynta u kyrtong ka Congress u Bah Jotin Khardewsaw, ha kane ka kynti kaba mynta, nga kyntu ia baroh ki nongkyrshan jong nga ba kin kyrshan ia u kyrtong ka Congress” la ong u Martin M Danggo.

U la ia thuh ba naduh ka sngi kaba u mih na ka party NPP, haduh mynta um pat leit rung sha kano kano ka party bad ia ka jingleit rung sha kano kano ka party yn sa dang peit ha dien, hynrei u la pynthikna ba ha kane ka MDC ilekshon shiteng samoi napoh 26-Langrin Konstitwensi, un ai ka jingkyrshan ia u kyrtong MDC ka party Congress.

U shongknor barim jong ka iing dorbar thawain ka jylla u Danngo u la ong ba ia mynta ym pat don kano kano ka jingthmu ban rung sha kano kano ka party bad ka jingmih khubor kaba ong ba u la rung party kam dei kaba shisha.