Mynta khanglut ki SBI

Shillong,10 Nailar:
Kum ka jingpyr shah ia ka jingshah rahbor jong u wei na ki nongtrei jong ka , ka State Bank of India ka la pynbna paidbah ba lashai ka 11 tarik u Nailar, ka Bank kan khanglut ha baroh ki kawei ka jylla, katei ka jingkhang ka SBI ka dei na ka daw ka jingshah rahbor u Subodh Kumar Mishra uba trei ha Gasuapara Branch.
Ka daw kaba ka kyrwoh na u Convenor ka SBI u la iathuh ba dei na ka jingbym shimkhia ka sorkar jylla ban ai ki lad jingiada ia ki nongtrei ka Bank khamtam kiba trei ha ki jaka nongkyndong. Katei ka jinghkang bank kaba shisngi ka SBI ka la ong ba kan long ruh ka jingsneng bad ka jingpyntip sha ka sorkar ba ka bank kam lah ban shah ia kitei ki jingshah rahbor kiba man ka por , kiba buh jingma ia ki nongtrei jong ka. Ka la kyrpad ia baroh ki paidbah ba kin ai ka jingitreilang bad ka Bank bad ban sngewthuh ia ki jingeh ba ki ia kynduh.