Mih ka TULBA, ban iarap pynshna ing ia ki baduk ha Mairang

Shillong: Ka seng ki nongniah bike The Ultimate Bikers Association hapoh ka jing ialam u President seng kmie bah Seiborlang L.nonglait bad u secretary bah Odycious Shullai da ka wei ka sur ban iarap ia ki duk ki rangli ki ba shem jing jynjar haka imlang sah lang wat la ka seng kam dei ka seng kaba bun ki jingioh hynrei da ka mynsiem sngewlem mynnin ka sngi ki la hiar sha ka Shnong Laitmaw syiem Mairang Constituency ban leit ai jing iarap da ka ba pynshna ing jong i kong Sima khyllait.

I kong sima i ba la don 65 snem ka rta i don 9 ngut ki khun bad iwei I khunksiew ba dang 10 snem i bsa iala ki khun da ka ba shu bylla sngi hadien ka jing khlad noh u kpa ha u snem 2019. Ki ia sah ha katei ka shnong ha i wei i ing trep ba la tap da u phlang bad ki plastic ban lait na u slap ka lyer bad ban ioh rieh haba lap ka miet.
Na ka liang jong ka TULBA ka la rai ban pynshna noh da ka ing paka kaba 4 kamra naka bynta ka ne ka longing jong I kong Sima.
Haba iakren bad u President ka seng TULBA u bah Seiborlang L.nonglait u la ong ba jing leh isynei kam dei tang ha ka por Christmas ne sngi kyrpang hynrei kum ka mynsiem kristan ngim lah ban peit haba ngi iohi iaki ba donkam ka jing isynei lang.
Iakane ka ing kin ialeh ban pyndep khamkloi ban aiti pat sha I kong Sima bad naka liang ka seng ka la ong ba kin iai buddien sha ki nongkyndong bad ai ki lad jing iarap da kiwei de ki liang katkum ka jing donkam.