Shah beh kam U Havildar, ba shalan suloi ia ki GNLA

Shillong, 8 Nailar:
U Commandant jong ka 4th MLP Bn, ula beh kam ia U Havilder Bitharstone R Marak, namar ba u iatreilang bad ka seng kaba la khein beain, ka Garo National Liberation Army (GNLA).
La iathuh ba ha ka 19tarik Iaiong 2014, U Havilder Bitharstone R Marak, ula mih na ka jaka treikam jongu ha Sohpian ban leit sha Assam, khlem da ioh jingbit na u nong peit jong katei ka Battalion, na ka bynta ban leit shim ia ki tiar siat,ba kynthup ia ki suloi AK 47, na U Bikunjoy Long mailai jong ka Dima Hasau district, U Hari Gayari jong ka Karbi Ang long District bad U Tapan Baishya jong ka Kamrup district.
La kem ia U Marak da ki pulit Assam, ha Jorabat bad la mudui ruh pyrshah ia katei ka kam beain jongu, ha kaba ki pulit, ki la ioh kurup ia ka pisa kaba T.50 hajar bad 130 siat ki kuli AK, ha kaba ia kitei ki kuli, yn dei ban pynpoi sha ka GNLA, lyngba utei U Havildar. U Havildar Bitharstone R Marak, ula ju don bynta ban ai tiar ialeh ia ki ehrang GNLA bad mynta, u don ha phatok ha Williamnagar.
Ka kyrwoh pulit, ka iathuh ba U Champion Sangma, uba dei u nongialam jong ka GNLA, ula shah beh, na ka kam pulit, namar kitei hi ki kam beain bad ialeh pyrshah ia ka Ri.