Nang kiew ka jingshit ha Antarctica

Na ka jinglap jong ki stad peit mariang, ka Antarctica, kaba dei ka jaka kaba khriat tam ha ka pyrthei, ka la nang shit ha ka 6tarik mynta u bnai, ha kaba ka la poi sha ka 18.3degree centigrade.

Katei ka dei ka jingshit kaba shit tam, na kaei kaba ki la ioh jingkhein ki stad saian.

Na ka liang ka tnat peit mariang jong ka Argentina, ka ai ia katei ka jingkhein ha ka twitter, ha kaba ka iathuh ba ka jingkiew jong ka jingshit, ka long kaba shit tam, naduh ba ki sdang ban lum jingkhein ha u snem 1961.

Ka Argentina, ka la don ka jaka trei kam jongka ha Antarctica, la 114 snem, na ka bynta ban peit ia ka jinglong jingman jong katei ka jaka, katba kum ka jingstad jong ka saian.